नेपालको स्वास्थ्य सेवा : छरपस्ट कार्यक्रम उपलब्धिभन्दा राज्यलाई आर्थिक भार मात्रै

काठमाडौँ : नेपालले हाल स्वास्थ्य क्षेत्रमा नसर्ने रोग, सरुवा रोग र प्राकृतिक प्रकोप, दुर्घटना, चोटपटक, हिंसा, एन्टिमाइक्रोबियल तथा जलवायु परिवर्तनको प्रतिकूल असर जस्ता स्वास्थ्य समस्याको बोझ व्यहोरिरहेको छ।

स्वास्थ्य तथा जनसंख्या मन्त्रालयको विवरणअनुसार नेपालमा सन् २०१९ मा भएका कुल १ लाख ९३ हजार ३३१ मृत्युमध्ये ७१ प्रतिशत नसर्ने रोग, २१ प्रतिशत सरुवा रोग, मातृ, नवजात शिशु र पोषण सम्बन्धी रोगका कारण र बाँकी ८ प्रतिशत चोटपटकका कारणले भएको अनुमान गरिएको छ।