मधेशमा किचलाे: सरकार त बन्याे, मन्त्रिपरिषद विस्तार हुन सकेन

लोसपा नेता जितेन्द्र सोनल मधेश प्रदेशको मुख्यमन्त्री बनेको झन्डै एक महिना भइसकेको छ। तर, अहिलेसम्म उनले मन्त्रिपरिषद् विस्तार गर्न सकेका छैनन्। पाँच दल, जसपा, जनमत, लोसपा, माओवादी, एकीकृत समाजवादीको समर्थनमा २९ असोजमा मुख्यमन्त्री बनेका सोनलले तिहार अघि नै मन्त्रिपरिषद्ले पुर्णता पाउने दाबी गरेका थिए।

तर,सत्तारुढ पाँच दलीय गठबन्धनका दलहरूबीच मन्त्रालय बाँडफाँडमा सहमति नजुट्दा ढिलाइ भएको छ। हाल सोनलका साथमा दुई जना जनमत पार्टीका महेशप्रसाद यादव र एकीकृत समाजवादीका मनिष पटेल मात्र मन्त्री छन्। उनीहरुले पनि मन्त्रालय पाएका छैनन्।