बलियो विषयवस्तुको फितलो प्रस्तुति हो फिल्म ‘दुई नम्बरी’

वन्यजन्तुको सिकार गर्नु छिरिङ (दयाहाङ राइ) र हिमाल (सौगात मल्ल) को पुर्ख्यौली पेशा हो। बाल्यकालदेखिकै मिल्ने साथी उनीहरु त्यही कामको बिडो थाम्दै अघि बढ्दैछन्।

तर, वन्यजन्तु मार्न सरकारले प्रतिबन्ध लगाएपछि लाइसेन्स भएका उनीहरुको बन्दुक प्रयोगविहीन छन्। भनौं, उनीहरुको पुर्ख्यौली पेशा नै संकटमा छ जसकारण उनीहरुलाई जीवन धान्नै गाह्रो हुँदै गएको छ। त्यसैले उनीहरु लुकीछिपी वन्यजन्तुको सिकार गर्छन्।