बझाङमा खुँडा प्रहार गरी युवकको हत्या

बझाङ — बझाङमा खुँडा प्रहार गरी एक युवकको मंगलबार हत्या गरिएको छ । जिल्लाको छबिसपाथिभेरा गाउँपालिका ३ का अमृत सिंहको खुँडा प्रहार गरी हत्या गरिएको जिल्ला प्रहरी कार्यालय बझाङका प्रमुख तथा प्रहरी नायव उपरीक्षक रुपक खड्काले जानकारी दिए ।

गाउँपालिकाको वडा नम्बर ३ मै रहेको बन्नीचौर माध्यमिक विद्यालयको शिक्षक अभिभावक संघको चुनाव सकेर घर फर्किने क्रममा भएको विवादपछि खुँडा प्रहार गर्दा सिंहको ज्यान गएको उनले बताए ।