सडकमा आउने निजी विद्यालय सञ्चालकको चेतावनी

काठमाडौँ । निजी विद्यालय सञ्चालकहरूले विद्यालय शिक्षा विधेयकमा गुठीको प्रावधान हटाउनुपर्ने माग राखेका छन् । संसद्को शिक्षा समितिको बैठकमा बोल्दै उनीहरूले कुनै पनि हालतमा गुठीमा जान नसकिने प्रस्ट पारेका हुन् ।

२०५८ सालपछि सरकारले नै जबरजस्ती कम्पनीमा दर्ता गराएको भन्दै अब कुनै पनि हालतमा गुठीमा नजाने उनीहरूले अडान लिएका छन् । विद्यालय शिक्षा विधेयक २०८० मा आवश्यकताको आधार निजी विद्यालयहरू शैक्षिक गुठीमा जाने सक्ने व्यवस्था गरेको छ । उक्त विषयमा उनीहरूले आपत्ति जनाउँदै कुनै पनि हालतमा गुठीमा जान नसकिने बताएका हुन् ।