‘दर्शकहरू समसामयिक र आफूसँग मिल्दो विषयमा बढी हाँस्छन्’

काठमाडौं । कमेडी च्याम्पियन सिजन-२ मा सहभागी हुने सपना बोकेर भारतको आसामबाट नेपाल आएका थिए पवन भट्टराई । अडिसन दिए पास पनि भए, त्यसपछि जमेर कमेडी प्रस्तुत गरे । दर्शकहरूले उनको आसामी लवज र शैलीलाई निकै रुचाए । कमेडी च्याम्पियनको विजेता बन्न नसकेपनि उनको कलाले राम्रो ‘एक्सपोजर’ पायो । त्यसैले त उनी आसाम नफर्किएर निष्फिक्री नेपालमै बसेर कमेडी यात्रा गरिरहेका छन् ।

पवन पछिल्लो समयमा चर्चित कमेडियनमध्ये पर्छन् । अहिले उनी ‘कमेडी नाइट विथ च्याम्पियन्स’ दर्शकहरूलाई हँसाइरहेका छन् । यो शोमा उनले बालेन, हरिबहादुर, बीके भाइ, चुल्ठे अंकल लगायत थुप्रै चरित्रमार्फत दर्शकको मन जितेका छन् । उनी कमेडी भूगोल र परिवेश सुहाउँदो हुनुपर्ने धारणा राख्छन् ।