एउटा ब्याच नम्बरबाहेक अन्य उत्पादन सुरक्षित रहेको यशोदा फुड्सको स्पष्टोक्ति

काठमाडौँ । यशोदा फुड्स प्रा.लि.ले आफ्नो उत्पादन ‘करेन्ट हट एण्ड स्पाइसी’ (१०० ग्राम) को एउटा ब्याच नम्बरबाहेक अन्य सबै उत्पादनहरू उपभोग र बिक्रीका लागि पूर्ण रूपमा सुरक्षित रहेको स्पष्ट पारेको छ ।

खाद्य तथा गुण नियन्त्रण कार्यालयले जारी गरेको सूचनाको सन्दर्भमा एक प्रेस विज्ञप्ति जारी गर्दै कम्पनीले उपभोक्ता र विक्रेताहरूलाई यस्तो जानकारी गराएको हो । कम्पनीका अनुसार ब्याच नं. २०२६/०२/२३–०४ए को उत्पादन बाहेक अन्य मितिमा उत्पादित र फरक ब्याच नम्बर भएका सबै ‘करेन्ट हट एण्ड स्पाइसी’ चाउचाउहरू गुणस्तरीय रहेका छन् ।