इटालियन सिरी’ए : तेस्रो स्थानको एटलान्टा विजयी

काठमाडौं । इटालियन सिरी’एमा तेस्रो स्थानको एटलान्टा विजयी भएको छ । पहिलो र दोस्रो स्थानमा रहेका नापोली र इन्टरबीच टक्कर देखिएका बेला एटलान्टाले समेत अंक दुरी घटाएको हो ।

घरेलु मैदानमा भएको खेलमा एटलान्टाले एएस रोमालाई २-१ गोल अन्तरले हरायो । एटलान्टालाई जिताउन इब्राहिम सुलेमानले निर्णायक गोल गरे । यसअघि खेलको नवौं मिनेटमा एडेमोला लुकम्यानले गोल गर्दै घरेलु टोलीलाई अग्रता दिलाए । तर, ३२ औं मिनेटमा रोमाका ब्रायन क्रिष्टान्टेले गोल फर्काए ।