आगजनीबाट दुईवटा पसल पुर्णरुपमा जलेर नष्ट

नुवाकोट- नुवाकोटको ढुंगेवजारमा गएराती भएको आगजनीमा परि दुईवटा पसल पुर्णरुपमा नष्ट भएको छ । विदुर नगरपालिका-१ ढुंगेवजारमा मध्यराती आगजनी हुँदा करौंडौं रुपैया बराबरको धनमाल नष्ट भएको छ । स्थानीय सुरेश श्रेष्ठको किराना पसल र रामेश्वर अधिकारीको प्लाष्टिक सामग्री पसलमा आगजनी भएको हो ।

मध्यराती पौने १२ वजे अधिकारीको प्लाष्टिक सामग्री पसलमा आगो लागिरहेको स्थानीयवासीले देखेपछि गुहार मागेपछि अन्यले जानकारी पाएका थिए । यस्तै सँगै जोडिएको सुरेश श्रेष्ठको किराना पसलसमेत जलेर नष्ट भएको छ ।