१७ वर्षीया बालिकाको बलात्कारपछि हत्या गरेका आरोपी १३ महिनापछि पक्राउ
nayapatrikadaily.com · Wed Aug 25 00:30:00 GMT 2021
१७ वर्षीया बालिकाको बलात्कारपछि हत्या गरेका आरोपीलाई १३ महिनापछि पक्राउ गर्न कास्की प्रहरी सफल भएको छ । कास्कीको मादी गाउँपालिका वडा नं ९ सिप्लिवेशी घर भई सोही गाँउपालिकाको वडा नं १० मकै खोला स्थित मामाको घरमा बस्ने १७ वर्षीया कोपिला परियारको बलात्कारपछि हत्या गरेका आरोपी १३ महिनापछि पक्राउ परेका हुन ।
पक्राउ पर्नेमा स्याङजा हरिनास गाउँपालिका वडा नं. ६ चालिसे घर भएका ४५ वर्षीय राम बहादुर थापा (मोटे) भनेर चिनिने खड्क बहादुर खवास रहेका कास्की प्रहरी प्रमुख रमेश थापाले जानकारी दिए । कास्की प्रहरीले स्याङजा प्रहरीको सहयोगमा पुतलीबजार नगरपालिका ४ शिवमन्दिर चोकवाट पक्राउ गरि कास्की ल्याएको थापाले जानकारी दिए ।
स्रोतमा पूरा पढ्नुहोस् (nayapatrikadaily.com)