रुपान्तरण अभियानबाट आन्तरिक विवाद घटाउँदै माओवादी

१ असोज, काठमाडौं । नेकपा माओवादी केन्द्र पार्टीको तीन महिने विशेष रुपान्तरण अभियानबाट उत्साहित देखिएको छ ।

माओवादी पार्टीजस्तो पनि रहेन भन्ने निष्कर्षसहित सुरु गरेको रुपान्तरण अभियानमा आफूले सरकारमा बसेर गरेका कामहरू जनतालाई सुनाउने, पार्टीप्रतिका गुनासा सुन्ने र आफूलाई रुपान्तरण गर्ने उद्देश्य राखेको थियो । अहिले पार्टीका अधिकांश नेता कार्यकर्ता वडा तहसम्म सक्रिय भएर अभियानमा लागेका छन् ।