आफ्नै भोट हाल्न स्वतन्त्र छैनन् महिला

६ असोज, डोटी । डोटी, आदर्श गाउँपालिका-५ कि डिकरादेवी (नाम परिवर्तन) ३१ बर्षकी भइन् । एक छोरा र दुई छोरीकी आमा डिकराका श्रीमान् रोजगारीको सिलसिलामा भारतमा छन् । घरमा सासु र छोराछोरीसंगै बस्ने डिकरालाई निर्वाचन आउँदा के मा भोट हाल्ने भन्ने निर्णय गर्ने अधिकार छैन ।

‘यसको बाबाले देश (भारत) बाट फोन गरेर भन्नुहुन्छ, सोही अनुसार मैले भोट हाल्छु’ उनी भन्छिन्, ‘श्रीमान्ले जे भन्यो त्यो त मान्नै पर्‍यो नि !’ उनी आफ्नो मात्रै होइन, सासुले पनि भोट श्रीमानले नै भनेअनुसार खसाउने बताउँछिन् ।