रियल मड्रिडको शानदार जित, एल्चे ४–१ गोल अन्तरले पराजित

काठमाडौँ । स्पेनिस ला लिगा अन्तर्गत आइतबार भएको खेलमा रियल मड्रिडले एल्चेमाथि ४–१ को फराकिलो जित दर्ता गरेको छ । घरेलु मैदानमा भएको उक्त खेलमा रियल मड्रिडले सुरुदेखि नै बलियो पकड बनाएको थियो ।

रियल मड्रिडको जितमा एन्टोनिओ रुडिगरले खेलको ३९ औँ मिनेटमा पहिलो गोल गर्दै टोलीलाई सुरुवाती अग्रता दिलाएका थिए। पहिलो हाफको अन्तिम मिनेटमा फेडेरिको भाल्भर्डेले दोस्रो गोल गरेपछि रियल २–० ले अघि बढ्यो ।