लुम्बिनी प्रदेश सरकार विस्तारको तयारी, आइतबारसम्म मन्त्रीले शपथ लिने

लुम्बिनी प्रदेशका मुख्यमन्त्री लिला गिरीले मन्त्रिपरिषद विस्तारको तयारी थालेका छन्। सम्भवतः आइतबार प्रदेश मन्त्रिपरिषद विस्तार हुनसक्ने उनको सचिवालयले जानकारी दिएको छ । यसअघि नेकपा (एमाले) बाट चेतनारायण आचार्य र माओवादी केन्द्रका कृष्ण केसी मन्त्रीको जिम्मेवारी पाएका छन् ।

नयाँ थपिने मन्त्रीहरुमा माओवादी केन्द्रका संसदीय दलका नेता जोखबहादुर महरा, इन्द्रजित थारु सम्भावित सूचीमा छन्। माओवादीले आर्थिक मामिला, आन्तरिक मामिला तथा कानून मन्त्रालय र भौतिक पूर्वाधार मन्त्री पाउने करिब निश्चित भएको छ । महराले आर्थिक मामिला मन्त्री बन्नेछन् । बाँकी ७ मन्त्रालय साना दललाई समेत मिलाउने गरी एमालेले तयारी थालेको छ ।