आईपीएलमा पञ्जावको अपराजित यात्रा कायमै, कप्तान अय्यरको लगातार दोस्रो अर्धशतक

काठमाडौं । इन्डियन प्रिमियर लिग (आईपीएल) क्रिकेटमा पन्जाव किङ्गसले अपराजित यात्रा कायम राखेको छ । आफ्नो दोस्रो खेलमा पञ्जावले लखनउ सुपर जायन्ट्सलाई ८ विकेटले हरायो । पञ्जावले २२ बल बाँकी छँदै जम्मा २ विकेटको क्षतिमा खेलको नतिजा आफ्नो पोल्टामा पार्‍यो । पंजावका लागि प्रभसिमरन सिंह र कप्तान श्रेयस अय्यरले सानदार पाली खेले ।

यो जितसँगै पञ्जाब दुई खेलबाट चार अंक बटुल्दै शीर्ष दुईमा उक्लिएको छ । यसअघि पञ्जाबले गुजरात टाइटन्सलाई ११ रनले हराएको थियो । लखनउको भने यो लगातार दोस्रो हार हो । लखनउले तीन खेलबाट जम्मा दुई अंक जोडेको छ ।