विराटनगरमा नदी संरक्षणसँगै ‘मिनी जङ्गल’ निर्माण अभियान सुरु

विराटनगर । जलवायु परिवर्तन, तीव्र सहरीकरण, नदी कटान, भू–क्षय तथा हरित क्षेत्रको घट्दो अवस्थालाई मध्यनजर गर्दै हरियो पाइला विराटनगरले विराटनगर महानगरपालिका–५ स्थित केसलिया खोला किनारमा ‘मिनी जङ्गल’ निर्माण अभियान सुरु गरेको छ।

करिब दुई बिगाहा क्षेत्रफल रहेको खोला किनारको उकास (ऐलानी)जग्गालाई संरक्षण गरी हरियालीयुक्त सार्वजनिक पर्यावरणीय क्षेत्रका रूपमा विकास गर्ने उद्देश्यसहित सब डिभिजन वन कार्यालय, विराटनगर को सहकार्यमा पहिलो चरणमा १,६०० वटा विभिन्न प्रजातिका बिरुवा रोप्ने तथा दीर्घकालीन संरक्षण गर्ने कार्यक्रम सञ्चालन गरिएको हो।