जहाँ खान पाइन्छ जुनारका १० परिकार

काठमाडौँ । नेपालमा जुनार भन्ने बित्तिकै सिन्धुली जिल्लालाई नै सम्झने गरिन्छ । जुनार र सिन्धुली पर्यायवाची शब्द जस्तै बनेको छ । यही सिन्धुलीको जुनारलाई बजारमा विभिन्न परिकारहरूमा ल्याउनका लागि ललितपुरको कुपण्डोलस्थित रैथानेमा दोस्रो जुनार मेला आयोजना गरिएको छ । रैथाने र ग्रिन ग्रोथको सहकार्यमा आयोजना गरिएको सो मेलामा सिन्धुलीमा उत्पादित जुनार र सो जुनारबाट तयार पारिएका विभिन्न परिकारहरू खान पाइनेछ ।

ग्रिन ग्रोथले सिन्धुलीको जुनारलाई बजारीकरण गर्न निकै महत्त्वपूर्ण भूमिका खेलेको छ । यसले सिन्धुलीमा उत्पादित जुनारलाई क्युआर मार्फत ट्रयाकिङ गर्ने र उपभोक्तामाझ सक्कली उत्पादन पुर्‍याउने काममा प्रविधिको प्रयोग गरेको छ । जसका कारण उपभोक्ता नठगिने गिन ग्रोथका सौरभ ढकालले बताए ।