पाँच वर्षमा ४.६ अर्ब डलरकाे निर्यात हुने वातावरण बनाउने नेपाल उद्याेग परिसंघकाे घाेषणा

काठमाडाैं । नेपाल उद्योग परिसंघले आगामी पाँच वर्षपछि नेपालबाट ४.६ अर्ब अमेरिकी डलरको निर्यात हुने वातावरण बनाउने घोषणा गरेको छ ।

उद्योग परिसंघको १९औँ साधारण सभाको उद्घाटन समारोहमा परिसंघका अध्यक्ष विष्णुप्रसाद अग्रवालले यस्तो घोषणा गरेका हुन् । उनले परिसंघले ‘मेक इन नेपाल स्वदेशी’ अभियानमार्फत देशमा वार्षिक १ हजार नयाँ उद्योग दर्ता गर्ने वातावरण बनाउने बताए ।