मुलुकमा अस्थिरता चाहनेले टाउको उठाउन खोजिरहेका छन् : नेता तामाङ

नुवाकोट — नेकपा (माओवादी केन्द्र)का केन्द्रीय सदस्य एवं संघीय सांसद हितबहादुर तामाङले मुलुकमा अस्थिरता रहीरहोस् भन्नेहरुले टाउको उठाइरहेको बताएका छन् ।

जिल्ला समन्वय समिति नुवाकोटले मंगलबार र बुधबार विदुरमा आयोजना गरेको बैठकमा बोल्दै सांसद तामाङले परिवर्तनका उपलब्धिहरुलाई संस्थागत गर्न नदिने प्रयास भइरहेको बताएका हुन् । नेता तामाङले भने, ‘कुनै न कुनै हिसाबले मुलुकमा अस्थिरता भइरहोस् भन्ने चाहनेहरुको टाउको उठाउन दिने कि नदिने भन्ने कुरा छ । त्यो हाम्रो भूमिका, कामकारबाही र व्यवहारले निर्धारण गर्छ ।’