जेनजी आन्दोलनपछि नेपालमा डायस्पोराको भूमिका विषयक अन्तरक्रिया सम्पन्न

काठमाडौँ । गैरआवासीय नेपाली संघ (एनआरएनए) महिला विभागले ‘जेनजी आन्दोलन र नेपालमा डायस्पोराको भूमिका’ विषयक अन्तरक्रिया कार्यक्रम काठमाडौँमा सम्पन्न गरेको छ। कार्यक्रम एनआरएनएकी उपाध्यक्ष तथा महिला विभागकी संयोजक रोजिना प्रधान राईको संयोजकत्वमा सम्पन्न भएको हो।

कार्यक्रममा संघीय संसदकी उपसभामुख इन्दिरा राना, एनआरएनए अध्यक्ष डा. बद्री केसी, राष्ट्रिय मानव अधिकार आयोगकी सदस्य लिली थापा, महिला तथा लैङ्गिक अधिकार विज्ञ सरु जोशी, सञ्चारकर्मी, जेनजी पुस्ताका प्रतिनिधि र एनआरएनएका पदाधिकारीहरूको सहभागिता थियो।