टेस्लाले अमेरिकामा बिक्री गरिएका झण्डै २२ लाख गाडी फिर्ता माग्यो : चेतावनी बत्तीमा समस्या

काठमाण्डौ – टेस्लाले अमेरिकामा बिक्री गरिएका झण्डै २२ लाख गाडी फिर्ता मागेको छ । चेतावनी बत्ती धेरै सानो भएकाले समस्या आएपछि गाडी फिर्ता गर्न लागिएको हो । अमेरिकी सुरक्षा नियामक निकायले अनलाइन सफ्टवेयर अपडेटका साथ गाडी फिर्ता लिनेबारे जानकारी दिएको समाचार संस्था एपीले जनाएको छ ।

यसमा सन् २०१२ देखि सन् २०२३ को मोडल एस, सन् २०१६ देखि सन् २०२३ को मोडल एक्स, सन् २०१७ देखि सन् २०२३ को मोडल ३ तथा अरु मोडल वाई र साइबरट्रक समावेश छन् । ब्रेक, पार्क र एन्टिलक ब्रेक चेतावनी बत्तीहरूको फन्ट आकार सङ्घीय सुरक्षा मापदण्डको अपेक्षामा साना भएको उल्लेख छ ।