मुस्ताङमा पर्यटकको आगमनमा नयाँ कीर्तिमान, एक महिनामै ८० हजार विदेशी पर्यटकको भ्रमण

मुस्ताङ– मुस्ताङमा विदेशी पर्यटकको आगमनले नयाँ कीर्तिमान कायम गरेको छ। सन् २०२६ को जुन महिनामा मात्रै ८० हजार २५३ विदेशी पर्यटक मुस्ताङ पुगेका छन्, जुन अघिल्लो वर्षको सोही अवधिको तुलनामा झन्डै चार गुणा बढी हो।

राष्ट्रिय प्रकृति संरक्षण कोषअन्तर्गतको अन्नपूर्ण संरक्षण क्षेत्र आयोजना (एक्याप) जोमसोमका अनुसार जुन महिनामा मुस्ताङ आएका पर्यटकमध्ये ७८ हजार ६७० जना सार्क राष्ट्रका र एक हजार ५८३ जना अन्य मुलुकका छन्। कुल पर्यटकमध्ये ९८।०२ प्रतिशत सार्क राष्ट्रका रहेका छन् भने ९५ प्रतिशतभन्दा बढी भारतीय पर्यटक रहेको एक्याप जोमसोमका प्रमुख राजेश गुप्तले जानकारी दिए।