इंग्ल्याण्डमाथि सनसनीपूर्ण जित निकाल्दै न्यूजिल्याण्ड फाइनलमा

काठमाडौँ– इग्ल्याण्डलाई पराजित गर्दै न्यूजिल्याण्ड टी–ट्वान्टी विश्वकप क्रिकेटको फाइनलमा पुगेको छ । जारी प्रतियोगिताको पहिलो सेमिफाइनल खेलमा न्यूजिल्याण्डले इंग्ल्याण्डलाई ५ विकेटले पराजित गरेको छ ।

अबुधाबीमा न्यूजिल्याण्डलाई जितका लागि अन्तिम ४ ओभरमा ५७ रन आवश्यक हुँदा उसले तीन ओभरमै लक्ष्य भेटायो । टस हारेर पहिला ब्याटिंगको निम्तो पाएको इंग्ल्याण्डले ४ विकेटको क्षतिमा १६६ रन बनाको थियो । १६७ को लक्ष्य पाएको न्यूजिल्याण्डले खराब सुरुआत गरेको थियो । पहिलो ओभरमै मार्टिन गप्टिललाई गुमाएको उसले त्यसपछि कप्तान केन विलियम्सन पनि सस्तैमा आउट हुँदा इंग्ल्याण्ड खेलमा हावी भएको थियो ।