लुइसभिल नजिक कार्गो विमान दुर्घटना

काठमाडौँ । अमेरिकाको केन्टकी राज्यस्थित लुइसभिल विमानस्थल नजिक एक युपिएस कार्गो विमान दुर्घटना भएको छ। संघीय विमान प्रशासन (एफएए) का अनुसार एमडी–११ मोडेलको यो विमान स्थानीय समय अनुसार मङ्गलबार साँझ ५ बजे उडान भरेको केही समयमै दुर्घटनाग्रस्त भएको हो।

दुर्घटनाग्रस्त युपिएस फ्लाइट २९७६ हवाईको होनोलुलुस्थित ड्यानियल के. इनोए अन्तर्राष्ट्रिय विमानस्थलतर्फ गइरहेको थियो।