गण्डकी प्रदेश सभाको बैठक बस्ने

पोखरा । जेनजी आन्दोलनका क्रममा संसद् भवन आगजनीले ध्वस्त बनेपछि स्थगित हुँदै आएको गण्डकी प्रदेश सभाको बैठक अन्ततः २४ कात्तिकलाई तोकिएको छ । प्रदेश सभा सचिवालयका सचिव गोविन्द पौडेलले मंगलबार एक सूचना जारी गर्दै यही २४ कात्तिक दिउँसो १ बजे संसद् बैठक बस्ने जनाएका हुन् ।

यसपालि संसद् भवन पोखरा–५, मालेपाटनस्थित कृषि, भूमि व्यवस्था तथा सहकारी मन्त्रालयको सभाहलमा बस्नेछ । त्यसका लागि आवश्यक मर्मत सम्भार लगायतका कार्य गरिएको सचिव पौडेलले जनाए ।