दैलेख दुर्घटनाको २४ घण्टा : यात्रीको संख्या यकिन छैन, कर्णालीमा हेलिएको गाडी अझै भेटिएन

१९ असार, सुर्खेत । सुर्खेतबाट कालिकोट जाँदै गरेको फोर्स गाडी कर्णाली नदीमा हेलिएको २४ घण्टा बित्यो । तर, अहिलेसम्म गाडीमा कति यात्रु थिए भन्ने यकिन छ न त नदीमा हेलिएको गाडी फेला नै परेको छ ।

कर्णाली राजमार्ग अन्तर्गत दैलेखको चामुण्डा बिन्द्रासैनी नगरपालिका–७, स्थित साङ्गेतडामा बिहीबार बिहान ११: ३० बजे क.प्र. ०२–००१ ख १०५५ नम्बरको यात्रुबाहक फोर्स गाडी कर्णाली नदीमा खसेको थियो ।