सन्दीप लामिछानेको रिहाईः चुपचाप छन् नेपाली क्रिकेटर

नेपाली क्रिकेट टिमका पूर्वकप्तान सन्दीप लामिछाने बिहीबार उच्च अदालत पाटनले आदेश दिएपछि २० लाख धरौटी बुझाएर शुक्रबार रिहा भए ।

नाबालिगमाथि बलात्कारको आरोप लागेका सन्दीप लामिछानेमाथि विभिन्न सर्त राख्दै उच्च अदालत पाटनले रिहाइका लागि आदेश दिएको थियो । उनी रिहाइ भए पछि शुक्रबार दिनभर सामाजिक सन्जाल तथा मिडियाहरुमा उनी छाए ।