स्विट्जरल्याण्डको उत्कृष्ट प्रदर्शन, अल्जेरियालाई २-० ले हराउँदै अन्तिम १६ मा प्रवेश

भ्यानकुभर– फिफा विश्वकप–२०२६ अन्तर्गत राउन्ड अफ ३२ को नकआउट चरणमा स्विट्जरल्याण्डले उत्कृष्ट प्रदर्शन गर्दै अल्जेरियालाई २–० ले पराजित गरेको छ । यो जितसँगै स्विस टोली प्रतियोगिताको अन्तिम १६ मा प्रवेश गर्न सफल भएको छ भने अल्जेरियाको विश्वकप यात्रा यही चरणमा टुंगिएको छ ।

क्यानडाको भ्यानकुभरस्थित बीसी प्लेस रंगशालामा सम्पन्न खेलमा स्विट्जरल्याण्डले सुरुआतदेखि नै आक्रामक खेल प्रस्तुत गरेको थियो । बलमाथिको नियन्त्रण, सट प्रहार तथा अवसर सिर्जनामा स्विस टोलीले निरन्तर दवाव बनाइरहँदा अल्जेरिया अधिकांश समय रक्षात्मक भूमिकामा सीमित रह्यो ।