कामना न्यूज पब्लिकेसन्स्को योगदान अविस्मरणीय छ: श्रेष्ठ

धुलिखेलको विकासको पर्यायवाची नाम हो बेलप्रसाद श्रेष्ठ । उहाँले धुलिखेल नगरपालिका, धुलिखेल खानेपानी, होटल व्यवसाय, पर्यटकीय नगर, काठमाडौं विश्व विद्यालय, धुलिखेल अस्पताल बनाउन महत्वपूर्ण भूमिका खेल्नुभएको छ । धुलिखेल नगरपालिकाका संस्थापक मेयरसमेत रहनुभएका उहाँले नेपाल समाचारपत्रका लागि कामना पब्लिकेसन्स्को ४० औं वार्षिकोत्सवका अवसमा सह–सम्पादक भगवती तिमल्सिनासँग गर्नुभएको कुराकानी:

सर्वप्रथम नेपालको इतिहासमा निजी क्षेत्रबाट पहिलोेपटक पत्रिका निकाल्ने प्राइभेट कम्पनी कामना न्युज पब्लिकेसन्स् प्रा.लि.को ४०औं वार्षिकोत्सवको उपलक्ष्यमा यो पब्लिकेसन्सबाट प्रकाशित हुने नेपाल समाचारपत्र, कामना, साधना, न्युज अफ नेपाल अनलाइन पत्रिकाको सफलताको कामनासहित उत्तरोत्तर प्रगतिको कामना व्यक्त गर्दछु ।