फिफा विश्वकप छनोट : दोस्रो चरणको पहिलो खेलमा नेपालले आज यूएईसँग खेल्दै

काठमाण्डौ – फिफा विश्वकप सन् २०२६ र एएफसी एसिया कप सन् २०२७ को संयुक्त छनोट अन्तर्गत दोस्रो चरणको पहिलो खेलमा नेपालले आज यूएईसँग खेल्दैछ । समूह एचमा रहेका नेपाल र यूएईबीचको खेल दुबईको अल माक्तोउम स्टेडियममा आज राति नेपाली समय अनुसार साढे ९ बजे शुरु हुनेछ ।

नेपालले दोस्रो पटक यूएईसँग खेल्न लागेको हो । यसअघि सन् १९८४ मा एसिया कप छनोटमा नेपालले यूएईसँग खेलेको थियो । त्यसबेला नेपाल ११–० गोलको फराकिलो अन्तरले पराजित भएको थियो । समूहमा नेपालसँगै यूएई, बहराइन र यमन छन् । फिफा वरीयतामा यूएई ६९औँ स्थानमा छ । बहराइन ८३ औँ र यमन १५६ औँ स्थानमा रहदा नेपाल १७३ औँ स्थानमा छ ।