न्यायाधीशमा झाँगिएको सुरू सदर प्रवृत्तिले मर्दै छ न्याय

हाम्रा न्यायालयले गर्ने फैसलाको गुणस्तर जाँच्ने स्थापित विधि र संयन्त्र छैन । बेलाबेला न्याय परिषद्ले यो कुरा उठाउँछ, त्यसै सेलाउँछ । बेलाबेला बारलाई फैसला अध्ययनको बाडुली लाग्छ, इजलासतिरबाट चेतावनीको भाषा सुनेपछि बार पनि गरूडको छायामा परेको नागजस्तो बन्न जान्छ ।

प्राज्ञिक अध्ययनमा पनि यो विषय पर्दैन । सार्वजनिक सञ्चार माध्यमलाई त ठेगान लगाउन अवहेलनाको तरबार छँदै छ । अनि कसले प्रश्न गर्ने ?