ट्रम्पको दाबी भारतद्वारा अस्वीकार

भारतीय विदेश मन्त्रालयका प्रवक्ता रणधीर जयसवालले पाकिस्तान विरुद्धको सैन्य द्वन्द्वको समयमा भारत अमेरिकासँग निरन्तर सम्पर्कमा रहेको स्वीकार गरे पनि यस अवधिमा व्यापारमा कुनै वार्ता नभएको स्पष्ट पारेका छन् ।

साप्ताहिक मिडिया ब्रिफिङमा जयस्वालले भने, ‘भारत र अमेरिकाका नेताहरूबिच मे ७ देखि मे १० सम्म वार्ता भएको थियो, तर व्यापारमा कुनै छलफल भएन’ भारत र पाकिस्तानबिच चार दिनसम्म चलेको द्वन्द्वपछि शनिबार अमेरिकी राष्ट्रपति डोनाल्ड ट्रम्पले अमेरिकाको मध्यस्थता पछि भारत र पाकिस्तान युद्धविराम गर्न सहमत भएको दाबी गरेका थिए । त्यसको केही समयपछि पाकिस्तानले पनि युद्धविरामको बारेमा कुरा गर्‍यो र अमेरिकालाई धन्यवाद दियो । जयस्वालले ट्रम्पको यो दाबीलाई अस्वीकार गर्दै भने, ‘अमेरिकासँग ’पाकिस्तान सैन्य द्वन्द्व रोक्ने’ वा मध्यस्थताको बारेमा कुनै छलफल भएको छैन ।’