झापा प्रहरीद्वारा लाखौं रुपैंयाको सामान बरामद

झापा प्रहरी कार्यालयबाट खटेको प्रहरी गस्ती टोलीले भन्सार छलीगरी अवैध रुपमा ल्याइएका लाखौं रुपैयाँ बरावरको सामान सोमबार बरामद गरेको छ । प्रहरी कार्यालय झापाले दिएको जानकारी अनुसार प्रहरी चौकी बाहुनडाँगीबाट खटेको प्रहरी टोलीले सो सामान बरामद गरेको हो ।

झापा मेचिनगर नगरपालिका वडा ४ मितेरी टोलस्थित भारतबाट नेपालतर्फ आउँदैगरेको क१६ प. ९८५८ नम्बरको मोटरसाइकललाई चेकजाँच गर्दा भारतबाट अवैध रुपमा भन्सार छली नेपालतर्फ ल्याउँदैगरेको अन्दाजी ७६ हजार ७०५ मुल्य बराबरको मोटरसाईकलको स्पेयर पार्टस्हरु फेला परेको प्रहरीले जनाएको छ । सो मोटरसाईकलसहित जिल्ला झापा बुद्धशान्ति गाउँपालिका ६ बस्ने बर्ष २३ को सुसिल थापा र २१ वर्षे सुमन थापा लाई नियन्त्रणमा लिई आवश्यक कार्वाहीका लागि मेची भन्सार कार्यालय काकरभिट्टा बुझाइएको छ ।