चैत्र कृष्ण एकादशी: पशुपति क्षेत्रस्थित बज्रेश्वरी मन्दिरमा देशोद्धार पूजा

काठमाडौँ । देशमा शान्ति होस् भन्ने कामनाले लिच्छविकालदेखि पशुपति क्षेत्रमा सुरु गरिएको देशोद्धार पूजा आइतबार तिलगंगास्थित बज्रेश्वरी मन्दिरमा गरिएको छ । वत्सलेश्वरी जात्राका क्रममा पशुपति क्षेत्रमा देशोद्धार पूजा गरिएको हो ।

यो जात्राका क्रममा चैत्रकृष्ण एकादशीदेखि बज्रेश्वरी, वत्सलेश्वरी र आकाशभैरवको विशेष पूजा आराधना सुरु हुने परम्परा रही आएको छ । देशको उद्धार गर्ने सङ्कल्पले लिच्छविकालमा सुरु भएकाले यसलाई देशोद्धार पूजा एवं जात्राको नाम दिइएको पशुपति क्षेत्र विकास कोष अमालकोट कचहरीका द्वारे रामकृष्ण डङ्गोलले बताए ।