अन्तिम समयमा रिचार्लिसनले गोल गरेपछि लिभरपुल र टोटनह्यामले अङ्क बाँडे

काठमाडौँ । इङ्लिस प्रिमियर लिग फुटबल अन्तर्गत आइतबार राति भएको खेलमा लिभरपुल र टोटनह्याम १–१ गोलको बराबरीमा रोकिएका छन् । खेलको अन्तिम समयमा गोल खाएपछि लिभरपुलले अङ्क बाँड्न बाध्य भएको हो ।

घरेलु मैदानमा भएको खेलमा लिभरपुलले सुरुवाती अग्रता लिएको थियो । खेलको १८ औँ मिनेटमा डोमिनिक सोबोस्लाईले गोल गर्दै टोलीलाई १–० को अग्रता दिलाएका थिए । पहिलो हाफमा लिभरपुलले उक्त अग्रता कायम राखे पनि दोस्रो हाफको अन्तिम समयमा टोटनह्याम खेलमा फर्कियो ।