प्रभु ! भेदभाव होइन, देशको हिसाबकिताब मिलाइदेऊ

प्रभुले धेरै मुलुकलाई राम्रो अवस्थामा पु¥याइदिएको छ तर केही मुलुकमा हाम्रो देश पनि पर्छ, प्रभुले कहिल्यै उचाइमा पु¥याउने कोशिश गरेनन् । यसको कारण भने बुझ्न सकिएन । शायद प्रभुले मनमनै भनिराखेका होलान्– ‘लोभलाचल, स्वार्थ र अल्लडपनाको मिश्रणले गर्दा नै तिमीहरुको मुलुक डामाडोल भइराखेको हो । यसमा तिमीहरु सुध्रियौ भने मुलुक आफैँ द्रुतगतिमा अघि बढ्छ । त्यसपछि मैले सहयोग गर्ने त छँदै छ नि ! अब तिमीहरुले गर्नुपर्ने काम भने यिनै हुन् ।’

सर्वप्रथम मानिसले आफ्नो मात्र सोच्ने होइन, अरुको लागि पनि बाँच्ने हो भन्ने कुरालाई लिएर अघि बढ्नुपर्दछ । तर यो भनाइको मतलब देश चलाउनेहरुले आफ्नो फाइदाको लागि र भविष्यको धेरै चिन्ता लिएर पार्टी, कार्यकर्ता तथा आफ्नो मान्छेलाई मात्र अँगाल्ने होइन । शायद यही कारणले होला हाम्रो मुलुकमा केही विकास भए पनि मानिसहरुले चाहेरसमेत पाउनुपर्ने सुविधा, सहुलियत सस्तो तरिकाको जीवन चलाउन पाइराखेका वा सकिराखेका छैनन् । अझै पनि समाजको अज्ञानता र लापरबाहीका कारण हमी आफैंले दुःख पाइराखेका छौं । यस्तो अवस्थामा एउटा राम्रो मानिसले अर्को गलत व्यक्तिलाई निडर भएर सम्झाउने, बुझाउने हो । यति गरेर भएन भने थर्काएर भए पनि गलत व्यक्तिलाई सही ट्रयाकमा ल्याउने हो । यदि यो प्रक्रियालाई कायम गर्दै लैजाने हो भने हाम्रो मुलुक अवश्य बन्नेछ ।