सत्ता गठबन्धनमा सकसै-सकसः भागबन्डाले कांग्रेसभित्र किचलो, उम्मेदवार छान्‍नै मुस्किल

काठमाडौं: सत्ता गठबन्धनलाई स्थानीय तहमा तालमेल गर्न हम्मेहम्मे परिरहेको छ। महानगर र उपमहानगरको प्रमुख र उपप्रमुख तालमेलको सहमति जुटिसके पनि बाँकी स्थानीय तहमा भने गठबन्धन पाँच दलले अझै कुरा मिलाउन सकेका छैनन्।

मनोनयन आइतबारबाट हुँदैछ। केन्द्रीय सत्ताको नेतृत्व गरिरहेको कांग्रेसले स्थानीय नेता कार्यकर्ताको चित्त बुझाउन समेत सकेको छैन।