युएईमा भ्रामक भिडियो पोष्ट गरे २ लाख दिरामसम्म जरिवाना

काठमाडौं । मध्यपूर्व क्षेत्रमा विकसित भइरहेका परिस्थितिलाई मध्यनजर गर्दै संयुक्त अरब इमिरेट्स (यूएई) स्थित नेपाली दूतावासले त्यहाँ रहेका सम्पूर्ण नेपाली समुदायलाई सामाजिक सञ्जालमा अपुष्ट तथा भ्रामक सूचना नफैलाउन आग्रह गरेको छ। दूतावासले “एडभाइजरी -३ ” जारी गर्दै सामाजिक सञ्जाल वा अन्य कुनै प्राविधिक माध्यमबाट आएका अपुष्ट हल्ला तथा आधिकारिक रूपमा पुष्टि नभएका सामग्री प्रकाशन वा प्रसारण नगर्न विशेष अनुरोध गरेको हो।

दूतावासका अनुसार पछिल्लो समय क्षेत्रीय सुरक्षा परिस्थिति’bout विभिन्न किसिमका सूचना सामाजिक सञ्जालमार्फत फैलिने क्रम बढेको छ। यस्ता सामग्रीले अनावश्यक भ्रम तथा त्रास फैलाउन सक्ने भएकाले जिम्मेवार व्यवहार गर्न दूतावासले यूएईमा बसोबास गरिरहेका नेपालीहरूलाई सचेत गराएको छ।