तीन वर्षमा माध्यमिक तहका १ लाख ६४ हजार विद्यार्थी गायब

काठमाडौँ । सरकारलाई विद्यालय शिक्षा प्रणालीमा विद्यार्थी टिकाउनै हम्मेहम्मे परेको छ । पछिल्लो तीन वर्षमा माध्यमिक तहबाट एक लाख ६४ हजार विद्यार्थी गायब भएका छन् । आर्थिक सर्वेक्षण २०८१ अनुसार शैक्षिक वर्ष २०८१ मा आधारभूत तहमा ५४ लाख ६५ हजार विद्यार्थी अध्ययनरत रहँदा सोही वर्ष उच्च शिक्षा (विश्वविद्यालय तह) मा भर्ना हुने विद्यार्थीको सङ्ख्या जम्मा ७ लाख १० हजार ६ सय ९४ मात्रै छ ।

यसरी आधारभूत तहमा भर्ना भएका कुल विद्यार्थीमध्ये झन्डै ८७ प्रतिशत विद्यार्थी उच्च शिक्षाको ढोकासम्म नपुग्दै बिचमै शिक्षा क्षेत्रबाट बाहिरिने गरेको पुष्टि हुन्छ ।