अधिवेशनमा होमियो मोरङ एमाले : प्रदेश अधिवेशनका लागि १७८ जना प्रतिनिधि छनौट

विराटनगर । नेकपा (एमाले) मोरङको १० औँ अधिवेशन आगामी पुस २७ र २८ गते हुने भएको छ । शुक्रबार बसेको जिल्ला कमिटीको आठौँ पूर्ण बैठकले सो मितिमा अधिवेशन गर्ने निर्णय गरेको हो ।

यसअघि ९ औँ जिल्ला अधिवेशन २०७८ साल पुस २३ र २४ गते विराटनगरमा सम्पन्न भएको थियो । पार्टी केन्द्रको निर्णय बमोजिम मोरङ जिल्ला कमिटीको १० औँ अधिवेशन हुन लागेको हो । अधिवेशनका सन्दर्भमा थप निर्णयहरू पछि हुने नेकपा (एमाले) मोरङका अध्यक्ष ऋषिकेश पोखरेलले जानकारी दिए । उनले जिल्ला अधिवेशनपछि १७ वटै पालिका कमिटीको अधिवेशन हुने बताए ।