स्वास्थ्य चौकीमा औषधी अभाव, रित्तै घर फर्किन बाध्य बिरामी

मुगु- मुगुको सोरु गाउँपालिकास्थित खनाया स्वास्थ्य चौकीमा औषधीको अभाव देखिएको छ। एक चक्की सिटामोलसमेत पाउन मुस्किल पर्ने अवस्था देखिएको अनुगमनका क्रममा भेटिएको हो।

दैनिक १० देखि २० जनासम्म बिरामी स्वास्थ्य चौकीमा आउने गरेपनि औषधी नपाई रित्तै घर फर्किन बाध्य भएको गाउँपालिकाका उपाध्यक्ष केशरबहादुर शाहीले जानकारी दिए। मंगलबार दिउँसो अनुगमनको क्रममा खनाया स्वास्थ्य चौकीमा पुग्दा औषधी अभाव भएको देखिएको उनको भनाइ छ।