डुडियाघाटमा मोटरेबल पुल निर्माण सम्पन्न

जिल्लाको काठेखोला गाउँपालिका–२ भीमापोखरा र वडा नं. ४ तङ्ग्राम गाउँ जोड्ने डुडियाघाटमा मोटरेबल पुल निर्माण सम्पन्न भएको छ ।

गण्डकी प्रदेश सरकार को तीन करोड ६२ लाख २२ हजार रुपियाँ लागतमा पुल निर्माण गरिएको हो । २०८२ वैशाखमा सम्पन्न गर्ने लक्ष्यसहित बीएमए निर्माण सेवाले २०८० कात्तिकमा ठेक्का सम्झौता गरेको थियो । समयमै भुक्तानी नहुँदा निर्माण कार्य लक्ष्यभन्दा करिब एक वर्ष ढिलो गरी सम्पन्न भएको हो ।