चोटका बाबजुद क्रोएसियाको विश्वकप टोलीमा समेटिए लुका मोड्रिच

काठमाडौँ । भेट्रान मिडफिल्डर लुका मोड्रिच चोटग्रस्त भएपनि विश्वकपका लागि घोषित क्रोएसियाको २६ सदस्यीय टोलीमा परेका छन् । उनी प्रतियोगिता सुरु हुनुअगावै चोटबाट मुक्त भई मैदान उत्रने अपेक्षा गरिएको छ ।

अप्रिलको अन्त्यतिर युभेन्टसविरुद्धको खेलका क्रममा टाउको ठोक्किँदा ४० वर्षीय यी एसी मिलानका प्लेमेकर घाइते भएका थिए । सन् २०१८ को बालोन डी’ओर विजेता मोड्रिचले चोटपछि शल्यक्रिया गराएका छन् । हाल उनी विशेष फेसियल मास्क लगाएर मैदानमा फर्कने तयारी गरिरहेका छन् ।