विभिन्न स्थानमा भएका सवारी दुर्घटनामा ३ जनाको मृत्यु

काठमाडौँ । विभिन्न जिल्लामा भएका सवारी दुर्घटना परेर ३ जनाको मृत्यु भएको छ । चितवन, पर्सा र कञ्चनपुरमा भएका सवारी दुर्घटना परेर ३ जनाको मृत्यु भएको हो ।

चितवनको रत्ननगर नगरपालिका–१ सौराहा चोकस्थित सडकमा ना.६ ख ६२८२ नम्बरको ट्रकले ना.६४ प ४३३ नम्बरको स्कुटरलाई बुधवार बिहान ठक्कर दिँदा स्कुटर चालक सोही नगरपालिका–९ बस्ने २७ वर्षीय किशोर श्रेष्ठको मृत्यु भएको छ । दुर्घटनामा गम्भीर घाइते भएका उनको नयाँ मेडिकल कलेज भरतपुरमा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।