१३ पटक फेरिए आयोजना प्रमुख तर २४ वर्षदेखि उस्तै छ हालत

काठमाडौँ । २४ वर्षअघि मनोहरा जग्गा एकीकरण आयोजनाले सुरु गरेको सुविधासम्पन्न नमुना बस्ती हालसम्म सम्पन्न हुन सकेको छैन ।

भक्तपुर जिल्लामा पर्ने मनोहराका बासिन्दाले यसकै कारण ठुलो सास्ती खेप्नुपरेको गुनासो गरेका छन् । सिंहदरबारबाट मात्र ५ किलोमिटरको दूरीमा रहेको दिव्यश्वरी मनोहरा क्षेत्रको स्थलगत निरीक्षण गर्दा यहाँको भद्रगोल अवस्था स्पष्ट देखिन्छ ।