चीनसँगको सीमा विवाद अध्ययन गर्न छानबिन समिति
rajdhanidaily.com · Wed Sep 01 23:44:59 GMT 2021
काठमाडौं । सरकारले चीनसँगको सीमा विवाद अध्ययनका लागि छानबिन समिति गठन गर्ने भएको छ । मन्त्रिपरिषद्को बुधबार बसेको बैठकले हुम्ला नाम्खा गाउँपालिकाको लिमी लाप्चादेखि हिल्सासम्मको सीमा विवाद अध्ययन गरी नेपाल सरकारलाई प्रतिवेदन बुझाउन गृह मन्त्रालयका सहसचिव नेतृत्वमा छानबिन समिति गठन गर्ने निर्णय गरेको हो ।
सरकारका प्रवक्ता तथा कानुन, न्याय तथा संसदीय मामिलामन्त्री ज्ञानेन्द्रबहादुर कार्कीले हुम्लाका विभिन्न ठाउँमा देखिएका सीमा विवादबारे अध्ययन गर्न छानबिन समिति गठन गर्ने निर्णय भएको बताए । उनका अनुसार छानबिन समितिमा नापी विभाग, नेपाल प्रहरी, सशस्त्र प्रहरीका अधिकारी र सीमाविद् समावेश गरिने छ । मन्त्रिपरिषद् बैठकले तीन निजामती कर्मचारीको बढुवा पनि गरेको छ ।
स्रोतमा पूरा पढ्नुहोस् (rajdhanidaily.com)