बढ्दो तापमानको चिन्ता

विश्व मौसम संगठन (डब्लुएमओ) को पछिल्लो प्रतिवेदनले मानव सभ्यताका लागि जलवायु संकटले निम्त्याएको गम्भीरतालाई फेरि एकपटक उजागर गरेको छ। प्रतिवेदनले आगामी पाँच वर्षभित्र विश्वको औसत तापक्रमले नयाँ कीर्तिमान कायम गर्ने वा त्यसको नजिक पुग्ने सम्भावना औंल्याएको छ। अझ चिन्ताजनक कुरा, सन् २०२६ देखि २०३० बिच कम्तीमा एक वर्ष विश्वको औसत तापक्रम औद्योगिक क्रान्तिपूर्वको स्तरभन्दा १.५ डिग्री सेल्सियसभन्दा बढी पुग्ने सम्भावना ९१ प्रतिशत रहेको छ।

यो केवल वैज्ञानिक तथ्यांक र आँकलन मात्र होइन, मानव विकास, खाद्य सुरक्षा, जलस्रोत, जैविक विविधता र समग्र पृथ्वीको भविष्यसँग प्रत्यक्ष जोडिएको चेतावनी हो।