करेगुट्टालु पहाडमा ३१ माओवादी मारिएको दाबी

भारतीय राज्य छत्तीसगढ र तेलंगानाको सिमानामा अवस्थित विजापुरको करेगुट्टालु पहाडमा २४ दिनदेखि जारी अपरेसनमा सुरक्षा बलले ३१ माओवादी मारेको दाबी गरेको छ।

छत्तीसगढका प्रहरी महानिर्देशक अरुण देव गौतम र सीआरपीएफका महानिर्देशक जीपी सिंहले बुधबार पत्रकार सम्मेलनमा उक्त पहाडमा संदिग्ध माओवादीहरूले राखेका ४५० वटा आईईडी र अत्याधुनिक हतियार बनाउने ४ वटा कारखाना पनि सुरक्षा बलले ध्वस्त पारेको दाबी गरे।