‘समृद्ध नेपाल’ र छिमेकीहरू

पश्चिमा शक्तिहरूले नेपालमा लागू गरेको भूराजनीतिक रणनीतिको स्पेक्ट्रमलाई चीन, नेपाल र भारतले पर्याप्त रूपमा बुझ्नसकेका छैनन् । तीनवटै मुलुकका रणनीतिक सरोकारवालाहरूलगायत नेतृत्व र थिंक ट्यांकहरूले लागू गरिएका रणनीतिक चालहरू बुझ्न असफल भएका छन् । यसरी, विदेशी एजेन्सीहरूलाई खेलको अप्रतिबन्धित र निर्बाध मैदान प्रदान गर्दै । चीनको थिंक ट्यांकले नेपालको राजनीतिक अस्थिरता आन्तरिक राजनीतिक संकटको परिणाम हो भनी मात्रै गल्ती गरेको छ । वास्तविकता के हो भने नेपालको अनन्त राजनीतिक अराजकता र अस्थिरतामा पश्चिमी विदेशी एजेन्सीहरू प्रमुख खेलाडी हुन् ।

पश्चिमा रणनीतिक चालबाजीबाट भ्रममा परेको भारतले सत्यलाई देख्न सकेन । नेपालको राजनीतिक मामिलाको बृहत् व्यवस्थापनमा संलग्न पश्चिमा ‘पावर ब्लक’को नियतपछाडिको अव्यक्त सत्य बुझ्न असफल भएको छ । पश्चिमी पावर ब्लकको भ्रममा भारतले नेपालमा सक्रिय रहेका पश्चिमी पावर ब्लकहरू उनीहरूका लागि फाइदाजनक रहेको र चीनको घेराबन्दी र नियन्त्रणका विरूद्धमा मात्रै लक्षित रहेको देखिरहेको छ ।