कृष्णप्रसाद भट्टराई स्मृति गोल्डकपः लोहोरुङ क्लब सेमिफाइनलमा

सुनसरी । इटहरीमा जारी तेस्रो संस्करणको अन्तर्राष्ट्रिय आमन्त्रण स्वर्गीय कृष्णप्रसाद भट्टराई स्मृति गोल्डकप फुटबल प्रतियोगितामा लोहोरुङ फुटबल क्लब सेमिफाइनलमा प्रवेश गरेको छ ।

सोमबार इटहरीस्थित जनता बहुमुखी क्याम्पसको मैदानमा भएको खेलमा चुत्तन स्पोर्टिङ क्लब तेह्रथुमलाई ३–२ गोलले पराजित गर्दै लोहोरुङ क्लब सेमिफाइनलमा प्रवेश गरेको हो । लोहोरुङ क्लबका अमित गजमेरले खेलको ५१औँ मिनेटमा पहिलो गोल गरेका थिए भने मिलन लिम्बूले ५६औँ मिनेटमा गोल थपे । यस्तै, विनोद राईले ६७औँ मिनेटमा गोल गर्दै टोलीको जित सुनिश्चित गरेका हुन् ।